ஐய்யயோ மாட்டிகிட்டேன் உன்கிட்ட மாட்டிகிட்டேன்

இசை என்னாச்சு டா உனக்கு சாப்பாடு பிடிக்கலையா என்ற ரகுராமனிடம் இல்லைப்பா பிடிச்சிருக்கு என்றாள் யாழிசை. அப்புறம் ஏன்டா சரியா சாப்பிடாம கோரிச்சுகிட்டு இருக்கேன் என்றால் ரகுராமன் இல்லப்பா ஒன்னும் இல்லை என்ற யாழிசை அமைதியாக சாப்பிட ஆரம்பித்தாள்.

அவள் மனம் எங்கும் ரணமாக வலித்தது ஏனோ வித்யுத், திவிஷியா இருவரும்  ஒன்றாக பேசிக்கொண்டு வெளியே வந்ததை பார்த்தவளுக்கு மனம் வலிக்க ஆரம்பித்தது.  என்கிட்ட ஒரு நாள் கூட சிரிச்சு  பேசியதில்லை ஏன் நான் பேசினால் முகம் கொடுத்தே பேசினதில்லை அந்த பொம்பளைகிட்ட சிரிச்சு சிரிச்சு பேசுறாரு என்று அவள் யோசித்துக் கொண்டிருக்க.‌ யாழி  தப்பா யோசிக்காதே லவ் பண்ணும் போது லவ் பண்ணும் பர்சன் மேல  ஃபர்ஸ்ட் நம்பிக்கை வேணும் நம்பிக்கை இல்லாமல் சந்தேகப்படக்கூடாது என்று மனசாட்சி கூறிட சந்தேகப்படக் கூடாதுதான் ஆனால் அவர் மனசுல என்ன இருக்குன்னு எனக்கு புரிய மாட்டேங்குது  எனக்கு தெரிஞ்சுக்கணுமே என்று அவள் பலவாறு யோசித்துக்கொண்டு ஒரு வழியாக சாப்பிட்டு முடித்தாள்.

சரி வீட்டுக்கு போகலாமா இல்லை வேற எங்கேயும் போகணுமா? என்ற ரகுராமனிடம் யஸ்வந்த் ஏதோ சொல்ல வர வீட்டுக்கு போலாமே அப்பா என்றாள்  யாழிசை. என்னாச்சுக்கா அதுக்குள்ள வீட்டுக்கு போகலாம்னு சொல்ற ஷாப்பிங் போகலாம்ல என்றான் யஸ்வந்த். நாளைக்கு போய்க்கலாம் டா ப்ளீஸ் எனக்கு தலை வலிக்குது வீட்டுக்கு போகலாமே என்றாள் யாழிசை. சரி சரி அதான் அக்கா சொல்லிட்டாளே யஸ்வந்த் நம்ம நாளைக்கு ஷாப்பிங் போலாம் என்று ரகுராமன் கூறிட ஓகே அப்பா என்றான் யஸ்வந்த்.

தலை வலிக்குதுனா அப்பா தைலம் தேய்ச்சு விடுவா இசை  என்றார் ரகுராமன். இல்லைப்பா அதான் வீட்டுக்கு வந்துட்டோம்ல நான் கொஞ்ச நேரம் மொட்டை மாடியில் போய் நின்று காத்து வாங்கிட்டு வரட்டுமா ப்ளீஸ் என்று அவள் கேட்டிட, என்ன இசை இதுக்கெல்லாம் போய் அப்பா கிட்ட பெர்மிஷன் வாங்கிட்டு இருக்கே உன் இஷ்டம் டா நீ போய் எவ்வளவு நேரம் வேண்டுமானாலும் காத்து வாங்கிட்டு வா என்ற ரகுராமன் ரோகிணி என்று அழைத்திட ரோகிணி வந்தார்.

உனக்கும், யாமினிக்கும் சாப்பாடு இருக்கு என்று ஒரு கவரை நீட்டினார் ரகுராமன். அதை வாங்கிக் கொண்டார் ரோகினி . யாமினி சாப்பிட வா என்று ரோகிணி அழைத்திட அமைதியாக வந்தாள் யாமினி. ரகுராமன் தன் அறைக்கு சென்று விட்டார் மகன் யஸ்வந்த் உடன்.

எதுக்குமா இப்போ இந்த சாப்பாட்டை எனக்கு பரிமாறுறீங்க என்ற யாமினியிடம் ஏன்டி உனக்கு பிடிச்சது தானே அப்பா வாங்கிட்டு வந்து இருக்காரு என்றார் ரோகினி. இந்த சாப்பாடு அவள் ஜெயிச்சதுக்கான கொண்டாட்டத்துக்கு வாங்கினது அதை நம்ம சாப்பிடனுமா என்று யாமினி கேட்டாள்.  இதோ பாரு யாமினி உன் அப்பா இருக்கிற வரைக்கும் அவளை நான் எதுவும் சொல்ல மாட்டேன் அது உனக்கே தெரியும் அப்படி நான் அவளை ஏதாச்சும் கொடுமை படுத்துறது உன் அப்பாவுக்கு தெரிஞ்சா அவ்வளவுதான் என்னை அடித்து வீட்டை விட்டு விரட்டி விட்டுருவாரு என்னை மட்டும் இல்லை உன் மாமாவையும் சேர்த்து தான் விரட்டி விடுவாரு உனக்கு என் கூட வர விருப்பமானாலும் அனுப்பி விட்டுருவாரு.  இந்த வீட்டுக்கு நான் தான் மகாராணி உன் அப்பா இருக்கும் போது மட்டும்தான் அவள். அதனால ஒரு மூன்று மாசத்துக்கு அடக்கி வாசி என்ற ரோகிணி கூறிட அமைதியாக பல்லைக் கடித்துக் கொண்டு சாப்பிட ஆரம்பித்தாள் யாமினி.

மொட்டை மாடியில் அமர்ந்து யோசித்துக் கொண்டிருந்தாள் யாழிசை. அவள் மனதில் கேள்விகள் ஓடிக்கொண்டே இருந்தது. மூன்று மணி நேரமா என்ன பேசி இருப்பாங்க.‌ மூன்று மணி நேரமா இரண்டு பேரும் பேசிட்டு இருந்திருப்பாஙகளா? நாம சினிமா பார்க்க போகும் போதே அவர் வெளியே கிளம்பினாரே. இப்படி பலவாறு யோசித்து கொண்டு இருந்தாள் யாழிசை.

அந்த நேரம் ஏதோ போன் கால் வர பேசிக் கொண்டே மாடிக்கு வந்தான் வித்யுத் அபிமன்யு. அவனைக் கண்டவளுக்கு   கோபம் தான் வந்தது. போன்ல யார் யார்கிட்டயோ சிரிச்சு பேசுறாரு ஒரு வேளை திவிஷியாவா இருக்குமோ என்று நினைத்தவள் அவன் முன் நின்றாள். அவன் அவளை கடந்து செல்ல பார்க்க அவனது கையை எட்டிப் பிடித்தாள் யாழிசை.

அவனோ புருவம் உருவம் உயர்த்தி அவளை கோபமாக முறைத்துக் கொண்டிருக்க உங்க கிட்ட கொஞ்சம் பேசணும் என்றாள் யாழிசை.  போனில் பேசிக் கொண்டிருந்தவரிடம் பிறகு பேசுகிறேன் என்று போனை கட் செய்து விட்டு அறிவில்லை இசை  உனக்கு கொஞ்சம் கூட மேனர்ஸ் இல்லாமல் ஃபோன் பேசிட்டு இருக்கேன்  , கையை பிடிச்சு உங்க கிட்ட பேசணும்னு சொல்ற பொண்ணு தானே நீ என்றான் கோபமாக . பொண்ணு தான் நான் ஒன்னும் பையன் டிரஸ் போட்டுட்டு நிற்க வில்லை பாருங்க என்று அவள் கூறிட அவளை முறைத்தவன் என்ன வேணும் உனக்கு என்றான்.

எனக்கு நீங்க தான் வேணும் இதை நான் பல தடவை சொல்லிட்டேன் என்று அவள் கூறிட ஒரு நாள் இல்லை ஒரு நாள் உன் கன்னம் பழுக்க அறையப் போறேன் பாரு எத்தனை தடவை சொல்றது இந்த மாதிரி என்கிட்ட பேசாத எனக்கு உன்னை பிடிக்கலைன்னு என்று அவன் கூறிட நிஜமாகவே உங்களுக்கு என்னை  பிடிக்கலையா? என்றாள் யாழிசை குரல் உடைந்து .

நிஜமா தான் சொல்றேன் எனக்கு உன்னை பிடிக்கவே இல்லை என்றான் வித்யுத் அபிமன்யு. ஏன் பிடிக்கலை திவிஷியா மேடத்தை பிடிச்சிருக்கோ.  அதனாலதான் அவங்க கிட்ட சிரிச்சு சிரிச்சு பேசிட்டு இருந்தீங்களா? என்று அவள் கேட்டிட அவளை கோபமாக பார்த்தான் வித்யுத்.

நான் எங்கே போறேன்? யார்கிட்ட பேசுறேன் இதெல்லாம் வேவு பார்க்கிறது தான் உனக்கு வேலையா? வேற வேலையே இல்லையா? என்னை வேவு  பார்க்க தான் உங்க வீட்ல உன்னை  பெத்து போட்டு விட்டு இருக்காங்களா? என்றான் வித்யுத் கோபமாக .

நான் உங்களை வேவு பார்க்கலை எதார்த்தமா தான் பார்த்தேன். சொல்லுங்க உங்களுக்கு அவங்களை பிடிச்சதுனால தான் எனக்கு பிடிக்கலையா என்று அவள் கேட்டிட ஆமாடி எனக்கு அவங்களை தான் புடிச்சிருக்கு . உன்னை சுத்தமா பிடிக்கலை உனக்கு என்ன தகுதி இருக்கு என்னை லவ் பண்ணுற. நீ இப்போ தான் படிச்சிட்டு இருக்க .லவ் வெறும் ஸ்டூடண்ட் ஆனால் அவங்க என்னை விட அதிகமா படிச்சு ஹெச்ஓடி.  உன்னோட கம்பேர் பண்ணும்போது எனக்கு அவங்க தான் பெஸ்ட் அதனாலதான் சொல்றேன் எனக்க உன்னை  கொஞ்சம் கூட  பிடிக்கலை நான் திவிஷியாவை  மட்டும் தான் லவ் பண்றேன் இன்னும் கொஞ்சம் நாளில் கல்யாணம் கூட பண்ணிக்க போறோம் என்ன இப்போ என்றான் வித்யுத் கோபமாக.

சார் விளையாடாதீங்க நான் சீரியஸா கேட்டுட்டு இருக்கேன் என்ற யாழிசையிடம் நானும் சீரியஸா தான்  சொல்லிட்டு இருக்கேன் இசை உனக்கு தான் புரிய மாட்டேங்குது. ஒவ்வொரு தடவையும் கிளிப்பிள்ளைக்கு சொல்றது மாதிரி படிச்சு படிச்சு சொல்லிட்டு இருக்கேன் எனக்கு உன்னை பிடிக்கலை பிடிக்கலை பிடிக்கலை. இப்போ அதுக்கான ரீசனும் சொல்லிட்டேன் எனக்கு வேற ஒருத்தவங்கள புடிச்சிருக்கு அதனாலதான் உன்னை பிடிக்கலை.  இன்னொரு முறை என்கிட்ட நெருங்காதே  என்றான் வித்யுத் அபிமன்யு.

இல்லை நான் நம்ப மாட்டேன் என்று அவள் கூறினாள்.  நீ நம்புனா நம்பு, நம்பாட்டி போ அதை பத்தி எனக்கு எந்த கவலையும் இல்லை. இன்னொரு முறை என் பின்னாடி நீ சுத்துனனு வச்சுக்கோ மரியாதை கெட்டுடும். இதுவரைக்கும் நான் எத்தனையோ முறை படிச்சு படிச்சு உன்னிடம் சொல்லி பார்த்துட்டேன் வெக்கமே இல்லாம நான் போகிற இடத்திற்கு எல்லாம் வர . லிஃப்ட்ல ஏதோ பட்டிக்காட்டான் மிட்டாய் கடையை பார்க்கிற மாதிரி ஆன்னு பாத்துட்டு இருக்க. உனக்கு வெட்கம் ,மானம்: சூடு :சொரணை எதுவுமே கிடையாதா? நீ ஒரு பொண்ணு தானே உனக்கு வெட்கம்: மானம் ஏதாச்சும் கொஞ்சம் நஞ்சம் இருந்தால் இனிமேல் என் முகத்திலேயே முழிக்காதே. நான் இருக்கிற திசை பக்கம் கூட திரும்பாதே.ஜ இன்னொரு முறை என் பின்னாடி சுத்துன அப்படின்னா அடுத்து ஹெச்ஓடி கிட்ட கம்ப்ளைன்ட் பண்ணுவேன். உன்னை காலேஜ் விட்டு சஸ்பெண்ட் பண்ண வைக்காமல் விட மாட்டேன். இதுவரைக்கும் போனால் போகுது சின்ன பொண்ணு விட்டுட்டு இருந்தேன் இனிமேலும் நீ அதே  மாதிரி பண்ணிட்டு இருந்தீன்னா நல்லா இருக்காது சொல்லிட்டேன் என்றான் வித்யுத்.

என்ன சஸ்பெண்ட் பண்ண வைக்க போறீங்களா? என்று அவள் கேட்டிட ஆமாம் இப்போ என்ன அதுக்கு  என்றான்.  ஹெச்ஓடி  உங்க ஆளு கண்டிப்பா சஸ்பென்ட் தான் இல்லை என்றாள் யாழிசை. அவனோ    பதிலுக்கு கோபமாக ஆமாம் ஹெச்ஓடி என் ஆளு தான் இப்போ என்ன உனக்கு என்று  அவன் சொன்னதுமே அவள் உடைந்து விட்டாள். ஆனால் அதற்கு மேலும் அவன் விடாமல் பேச ஆரம்பித்தான்.

உனக்கு அறிவில்லையா உனக்கு உண்மையிலேயே கல்யாண ஆசை வந்துருச்சு அப்படின்னா உன் வீட்ல அப்பா: அம்மா எல்லாரும் இருக்காங்களே அவங்க கிட்ட சொல்லு என்னை விட நல்ல மாப்பிள்ளை பார்த்து கல்யாணம் பண்ணி வைப்பாங்க. அதை விட்டுட்டு படிக்கப் போன இடத்தில கல்யாணம் பண்ணிக்க புருஷனை தேடாத என்று அவன் கூறிட அவளுக்கு அவமானமாகிவிட்டது.

என்ன சொன்னீங்க என்று அவள் கேட்டிட உனக்கு என்ன காது செவிடா திரும்பத் திரும்ப சொல்ல முடியாது . கல்யாண ஆசை வந்துட்டா வீட்ல சொல்லி மாப்பிள்ளை பார்த்து கல்யாணம் பண்ணிட்டு போ என் பின்னாடி வராதே  என்று கூறிவிட்டு அவன் சென்று விட்டான்.

என்ன இசை இன்னும் கிளம்பாமல் என்ன பண்ணீட்டு இருக்க என்ற ரகுராமனிடம் ஃபைவ் மினிட்ஸ் அப்பா என்றாள் யாழிசை.  டாடி அக்கா மேக்அப் போட்டு வருவதற்குள் சினிமா முடிஞ்சு போயிரும் அதனால நம்ம மட்டும் போகலாம் என்றான் யஷ்வந்த்.  கடன்காரா நீயெல்லாம் ஒரு தம்பியா டா ஐந்து நிமிசம் லேட் ஆனதும் என்னை விட்டுட்டு போக நினைக்கிற என்று வந்தாள் யாழிசை.

நாங்க விட்டுட்டு போயிருவோம்னு சொன்னதும் தானே வேகமா கிளம்பி வந்த என்ற யஷ்வந்த் போகலாமா என்றான்.

யாமினி, சித்தி, ராகவ் மூன்று பேரும் வரவில்லையா என்ற யாழிசையிடம் அக்கா யாமினி அக்கா ப்ரைஸ் வின் பண்ணவில்லை. நீ வின் பண்ணினதால செலிபரேசன் அதுக்கு எப்படி அவங்க வருவாங்க என்றான் யஷ்வந்த்.

அப்பா இருக்கும் போது எப்படி வராமல் இருப்பாங்க என்று யாழிசை கேட்டிட அதெல்லாம் அம்மா உடம்பு சரியில்லைனு  சாக்கு போக்கு சொல்லி அப்பாவை சமாளிச்சுட்டாங்க நீ வா அப்பா கீழே நமக்காக வெயிட் பண்ணிட்டு இருக்காங்க என்று தன் சகோதரியை அழைத்துக் கொண்டு சென்றான் யஷ்வந்த்.

அவர்கள் லிஃப்ட்டிற்குள் நுழைய அங்கே ஏற்கனவே வித்யுத் இருந்தான். உடன் தன் தம்பி இருக்கிறான் என்பதையும் மறந்து பட்டிக்காட்டான் மிட்டாய் கடையை பார்ப்பதைப் போல அவனை வெறித்து பார்த்துக் கொண்டு இருந்தாள் யாழிசை.

அவளை தீயென முறைத்துக் கொண்டு நின்றிருந்தான் வித்யுத் அபிமன்யு. எருமை மாடு கொஞ்சம் கூட அறிவே இல்லை இவள் பார்க்கிறதால் எனக்கு தான் வெக்கமா இருக்கு என்று நினைத்துக் கொண்டு அவன் நின்றிருக்க யஷ்வந்த் ஏதோ பேசிக் கொண்டிருந்தவன் திரும்பி தன் சகோதரியை பார்க்க அவளோ தன்னவனை ரசித்துக் கொண்டு இருந்தாள்.

அக்கா அக்கா என்று அவன் இரு முறை அழைத்த பிறகு தான் சுயநினைவுக்கு வந்தாள் யாழிசை.  என்னக்கா பார்த்துட்டு இருக்க என்ற யஷ்வந்திடம் ஒன்னும் இல்லைடா என்று சமாளித்தாலும் அவளது பார்வை வித்யுத்தை விட்டு அகலவில்லை.  அவனோ அவளை முறைத்துக் கொண்டிருக்க அவள் எப்பொழுதும் போல இளித்துக் கொண்டே அவனை பார்த்துக் கொண்டிருந்தாள்.

அந்த சமயம் அவளது மொபைல் போன் மெசேஜ் டோனை விட அவள் அப்பொழுது தான் தன் போனை எடுத்துப் பார்த்தாள்.

விகாஷின் எண்ணில் இருந்து ஹாய் என்று மெசேஜ் வந்திருக்கவும்,  இவன் எப்போ மெசேஜ் பண்ணினான்  என்று பார்த்திட காலையிலேயே அவனது மெசேஜ் வந்து இருந்தது.  காலையிலே பயபுள்ள மெசேஜ் பண்ணி இருக்கான் போல சரி ஓகே பதிலுக்கு ஒரு ஹாய் தட்டி விடு என்று அவளும் ஹாய் என்று பதிலுக்கு மெசேஜ் அனுப்பி விட்டு மீண்டும் வித்யுத்தை  வெரித்து பார்க்க ஆரம்பித்தாள்.

கிரவுண்ட் ஃப்ளோர் வந்தவுடன்  அவன் வேக வேகமாக வெளியே சென்று விட்டான் .

அக்கா எதுக்கு அந்த ஆளை வெறிக்க வெறிக்க பாத்துட்டு இருக்க என்ற யஸ்வந்திடம் என்னது அந்த ஆளா டேய் அவரு உன் மாமா டா அந்த ஆள் எல்லாம் சொல்லக்கூடாது மரியாதையா மாமான்னு சொல்லணும் என்றாள் யாழிசை.   என்னது  மாமாவா என்ற யஸ்வந்திடம் உங்க அக்காவை கல்யாணம் பண்ணிக்க போற ஆளு உனக்கு மாமா தானே என்றாள் யாழிசை.

இவர் உன்னோட ப்ரொபசர் தானே என்ற யஸ்வந்திடம் என் ப்ரோபசர்னா அவரை நான் கல்யாணம் பண்ணிக்க கூடாதா என்ன அவரைத் தான் நான் கல்யாணம் பண்ணிப்பேன் என்று அவள் கூறிட சரி சரி நடத்து நடத்து நான் அப்பா கிட்ட சொல்ல மாட்டேன் என்றான் யஷ்வந்த் .

நீ சொன்னா கூட எனக்கு கவலை இல்லை நானே அப்பா கிட்ட சொல்லத்தான் போகிறேன் என்ன  இப்போ சொன்னால் அப்பா கோவப்படுவாரு படிச்சு முடிச்சதுக்கு அப்புறம் எனக்கு இந்த மாதிரி ஒருத்தரை புடிச்சிருக்கு டாடி கல்யாணம் பண்ணி வைங்கன்னு சொன்னால் அப்பா என் சம்மதத்தை மீறியா எனக்கு கல்யாணம் பண்ணி வைக்க போறாரு என்று சிரித்தாள் யாழிசை.

சீக்கிரம் வா அப்பா ரொம்ப நேரமா நம்மளுக்காக வெயிட் பண்ணிட்டு இருக்காரு என்று தன் சகோதரியை இழுத்து சென்றான் யஷ்வந்த் . என்னப்பா கிளம்பலாமா என்ற ரகுராமனிடம் கிளம்பலாம் என்று வந்தனர் யஷ்வந்த் , யாழிசை இருவரும்.

எங்கே போகலாம் என்ற ரகுராமனிடம் அப்போ அதான் சொன்னேனே சினிமாவுக்குன்னு  என்றான் யஷ்வந்த்.

இசை நீ சொல்லுடா என்ற ரகுராமனிடம் தம்பி ஆசைப்படறானேப்பா ஃபர்ஸ்ட் சினிமா போயிட்டு அப்புறமா டின்னர் சாப்பிட போகலாம் என்று யாழிசை கூறிட உன் இஷ்டம் என்று ரகுராமன் காரை இயக்கினார்.

சொல்லுங்க மேடம் என்ன விஷயம் என்றான் வித்யுத் அபிமன்யு . என்ன விஷயம்னு கேட்டால் என்ன சொல்றது நான் பல தடவை சொல்லிட்டேன் நீங்க தான் உங்க பதிலை சொல்ல மாட்டேங்கறீங்க என்றாள் திவிஷியா.

மேடம் நான் ஏற்கனவே சொல்லிட்டேன் என்னோட பதிலை எனக்கு உங்களை கல்யாணம் பண்ணிக்க விருப்பம் இல்லை என்றான் வித்யுத் . அதான் ஏன்னு நான் கேட்கிறேன். எனக்கு செகண்ட் மேரேஜ்  தான்  ஆனால் ஸ்டில் ஐ அம் வெர்ஜின் என்று அவள் கூறிட மேடம் ப்ளீஸ் நான் அந்த மாதிரி யோசிக்கவே இல்லை உங்க மேல எனக்கு அந்த மாதிரி எந்த ஒரு ஃபீலிங்ஸ்மே வர வில்லை உங்களோட பாஸ்ட் லைஃப் பத்தின எந்த ஒரு அபிப்ராயத்தையும் நான் சொல்ல விரும்பலை எனக்கு உங்களை கல்யாணம் பண்ணிக்கிறதில் கொஞ்சமும் விருப்பம் இல்லை புரிஞ்சுக்கோங்க என்றான் வித்யுத் அபிமன்யு .

ஏன் உங்களுக்கு விருப்பம் இல்லை நான் அழகா இல்லையா?  நல்லா படிச்சிருக்கேன், நல்ல வேலையில் இருக்கேன் எதனால் உங்களுக்கு என்னை பிடிக்கலை என்று திவிஷியா கேட்டிட மேடம் எனக்கு வேற ஒரு பொண்ணை பிடிச்சிருக்கு என்றான் வித்யுத் அபிமன்யு.

யாரு அந்த பொண்ணு யாழிசையா என்றாள் திவிஷியா கோபமாக.

என்ன சொல்றீங்க மேடம் இசை என்னோட ஸ்டூடண்ட் என்ற வித்யுத்திடம் தெரியும் சார் நல்லாவே தெரியும் அந்த பொண்ணு உங்களை சைட் அடிச்சிட்டு இருக்கிறதும்,  காலேஜ் ஃபுல்லா உங்களை அவளோட  ஆளுன்னு  சொல்லிட்டு தெரியுறதும் எல்லாமே எனக்கும் தெரியும். அரசல், புரசலாக  காதுல விழுந்துச்சு இப்போ நல்லாவே புரிஞ்சிருச்சு.  அவள் மட்டும் உங்களை விரும்பலை  நீங்களும் அவளைத் தான் விரும்புறீங்க. நான் கல்யாணம் ஆகி டிவோர்ஸ் ஆனவள். அவள் சின்ன பொண்ணு இல்லையா அதனால தான் உங்களுக்கு அவள் மேல ஃபீலிங்ஸ் என்றாள் திவிஷியா.

மேடம் இந்த மாதிரி பேசாதீங்க இசை என்னோட ஸ்டூடண்ட் . அந்த பொண்ணுக்கும், எனக்கும் எந்த ஒரு காண்டாக்ட்ம் கிடையாது . உண்மை தெரியாமல் ஒரு பொண்ணை பத்தி தப்பா பேசாதீங்க என்றான் வித்யுத்.

எனக்கு புரியலை நீங்க அந்த பொண்ணை ஏன் காப்பாத்த நினைக்கிறீங்க. கவலைப்படாதீங்க நான் உங்க இசையை எதுவும் பண்ணிட மாட்டேன். யாழிசைங்கிற பெயர் உங்க வாயில் முழுசா வந்ததே இல்லையே இசை என்று கூறிய  திவிஷியா கசந்த புன்னகையுடன் எழுந்து கொண்டாள்.

மேடம் என்று அவன் எதோ சொல்ல வர ஐ கேன் அண்டர்ஸ்டாண்ட் மிஸ்டர் வித்யுத் அபிமன்யு. எனிவே ஆல் தி பெஸ்ட் என்று அவனுடன் கைகுலுக்கி விட்டு அவள் சென்றிட  அவனும் அவளுடனே சென்றான் .

அவர்கள் இருவரும் ஒன்றாக அந்த ஹோட்டலில் இருந்து வெளியே வருவதை பார்த்தாள் யாழிசை.

…. தொடரும்…

எப்படித்தான் எல்லாருடனும் நட்பாக பழகுகிறாளோ பார்த்த பத்தாவது நிமிஷத்துல எல்லாரையும் பிரெண்ட் பிடித்து விடுகிறாள் என்று நினைத்த வித்யுத்  கண்களை மூடிக்கொள்ள யாழிசையும் விகாஷிடம் பேசிக்கொண்டே கண்ணுறங்க ஆரம்பித்தாள்.

அவள் பேசிக் கொண்டிருக்கும் பொழுதே உறங்குவதை கண்ட விகாஷின் முகத்தில் புன்னகை தான் அரும்பியது. சரியான தூங்கு மூஞ்சியா இருப்பா போல பேசிட்டு இருக்கும் போதே தூங்கிட்டாள் என்று நினைத்தவன் தன் நண்பனுடன் பேசிக்கொண்டே அவனும் தூங்கிவிட்டான்.

அதிகாலை அந்த பேருந்து சென்னை வந்து சேர்ந்தது. அவர்கள் இறங்கிய பிறகு  பை விகாஸ் என்று புதிதாக கிடைத்த நண்பனுக்கு பாய் சொல்லிவிட்டு யாழிசை திரும்பிட வித்யுத் லக்கேஜை எடுத்துக் கொண்டிருந்தான். சார் நம்ம இப்போ நேரம் காலேஜ் போக போறோமா இல்லை அவங்க அவங்க வீட்டுக்கு போக போறோமா என்ற யாழிசையிடம் காலேஜுக்கு நாளைக்கு வந்தால் போதும் இன்னைக்கு லீவு தானே வீட்டுக்கு போகலாம் என்று கூறியவன் கேர்ள்ஸ் எல்லாரும் பத்திரமா போயிடுவிங்க தானே என்றிட போயிருவோம்  சார் என்று கோரசாக கூறினார்.

போயிட்டு எல்லாரும் குரூப்ல மெசேஜ் போடுங்க என்று கூறியவன் ஒரு ஆட்டோ பிடித்தான் . நான் உங்களோட வரட்டுமா சார் என்றாள் யாழிசை.

நீ‌ எதுக்கு என் கூட வர என்ற வித்யுத்திடம் இரண்டு பேரும் ஒரே அப்பார்ட்மெண்ட் தானே போகிற வழியில அப்படியே டிராப் பண்ணா தான் என்ன.  நான் ஒரு ஆட்டோ நீங்க ஒரு ஆட்டோ தண்டச் செலவு சார் ஒரே  ஆட்டோவில் போனோம்னா அமௌன்ட் ஷேர் பண்ணிக்கலாமே  என்று அவள் கூறிட சரி வா என்றான் வித்யூத் அபிமன்யு .

அவளுக்கு குஷியாகிவிட்டது. தன்னவனுடன் செல்லும் இந்த பயணத்தை ரசித்துக்கொண்டு ஆட்டோவில் அவன் அருகில் அமர்ந்து கொண்டாள் . வேண்டும் என்றே அவனை நெருங்கி அமர்ந்து கொண்டாள் அவனுக்கு கடுப்பாக இருந்தாலும் அவளது நெருக்கம் பிடித்திருந்தது.

என்ன யாமினி  கிளம்பாமல் இருக்கீங்க என்ற விகாஷிடம் என்னை நீங்க டிராப்  பண்ண முடியுமா சீனியர் என்றாள் யாமினி.  சாரி யாமினி  ஆட்டோ இல்லை கேப் பிடிச்சு போய்க்கொங்க என்னால உங்களை டிராப் பண்ண முடியாது என்று விகாஷ் கூறிட‌ ஏன் சீனியர் இப்படி சொல்றீங்க என்று கேட்டாள் யாமினி.

என்னோட பைக்ல என்னோட வொய்ஃப் தவிர வேற எந்த பொண்ணையும் நான் அழைச்சிட்டு  போக மாட்டேன் அதனால ப்ளீஸ் என்று அவன் கூறிட  யாமினிக்கு  தான் கடுப்பாகிவிட்டது .

அவனுக்கும் உறக்கம் கண்ணைக் கட்டிக் கொண்டு வர மெல்ல கண்ணயர்ந்தான் வித்யுத் அபிமன்யு.

அதிகாலை அந்த பேருந்து மதுரையை வந்தடைந்தது. முதலில் கண் விழித்த யாழிசை தான் அவனது தோளில் சாய்ந்து உறங்கிக் கொண்டு இருப்பதை உணர்ந்து ஐய்யய்யோ ராத்திரி முழுக்க அவரோட தோளில் தான் சாய்ந்து தூங்கினேனா அவரும் என்னை தள்ளி விடலையா என்று நினைத்தவளது உள்ளமோ குத்தாட்டம் போட ஆரம்பித்தது.

சரி அவரு நல்லா தூங்குறாரு பஸ்லையும் இன்னும் யாரும் கண் விழிக்க வில்லை பேசாமல் ஒரு ஃபோட்டோ எடுத்தால் என்ன இதெல்லாம் பொக்கிஷமான நினைவுகள் என்று நினைத்தவள் அவனது தோளில் சாய்ந்து கொண்டு தன் மொபைலில் இருவரையும் ஃபோட்டோ எடுத்து வைத்துக் கொண்டாள்.

மெல்ல அவனது கையை தன் கையால் அணைத்துக் கொண்டு அவள் மீண்டும் கண்களை மூடினாள். தன் கையை அவளது கை அணைத்ததை உணர்ந்தவன் உறக்கம் கலைந்து கண்களை திறந்தான். அவளது கைக்குள் இருந்து தன் கையை உருவிக் கொண்டவன் வெளியே பார்த்திட மெல்ல மெல்ல விடிய ஆரம்பித்தது.

கேர்ள்ஸ் ஊர் வந்திருச்சு எழுந்திரிங்க என்று அவன் கூறிட ஒவ்வொருவராக கண் விழித்து குட்மோர்னிங் சார் என்றனர்.

பேருந்தில் இருந்து இறங்கி அவர்கள் தங்க ஏற்பாடு செய்த விடுதிக்கு சென்றனர். எல்லோரும் குளிச்சிட்டு ரெடியாக இருங்க ப்ரேக் ஃபாஸ்ட் முடிஞ்சதும் அந்த காலேஜ் போகிறோம் என்று கூறி விட்டு தனக்கு ஒதுக்கப் பட்ட அறைக்குள் நுழைந்தான் வித்யுத் அபிமன்யு.

இசை ஆடிருவ தானே என்று அவன் கேட்டிட அவளோ புன்னகைத்து விட்டு கண்டிப்பா சார் என்றாள். உனக்கு காயம் என்று அவன் கேட்டிட அது வலிச்சாலும் ஆடி ஃபர்ஸ்ட் ப்ரைஸ் அடிப்பேன் சார் என்றாள் யாழிசை.

ஏன்டீ அப்படி என்னடி உன் தங்கச்சி கூட போட்டி மத்த எல்லா போட்டியையும் நல்லா தானே பண்ணி இருக்க அப்பறம் ஏன் இந்த டான்ஸ் அவசியம் நீ ஆடனுமா என்ற உத்ரா விடம் யாரு சொன்னா என் தங்கச்சியை ஜெயிக்க தான் நான் ஆடுறேன்னு அந்த பல்லியோட டான்ஸ் லட்சணம் எனக்கு நல்லாவே தெரியும் அவள் எல்லாம் ஆறுதல் பரிசு கூட வாங்க மாட்டாள் அப்படி இருக்கும் போது அவள் கூட நான் போட்டி போடுவதா நான் ஆடுறது வித்யுத் சாருக்காக அவர் முயற்சியால தான் இப்போ இந்த காம்பெடிசன்ல நாம கலந்துக்கிறோம். நாம நல்லா பண்ணி ஓவரால் சாம்பியன்ஷிப் ட்ராஃபி நமக்கு கிடைத்தால் அது சாருக்கு தானே பெருமை அதான் என்று அவள் புன்னகைக்க இது காதலுக்கு மரியாதையா இல்லை வாத்திக்கு மரியாதையா என்றாள் மிதுனா. வாத்திக்கு தான் என்று சிரித்தாள் யாழிசை.

மச்சி உன் தங்கச்சி பரதநாட்டியம் காஸ்டியூம் எல்லாம் போட்டு கலக்குறாள். நீ என்னடான்னா ஜஸ்ட் ஒரு அனார்கலி சுடி தான் போட்டிருக்க என்று கூறிய தோழி மிதுனாவிடம் அந்த பாட்டுக்கு படத்திலே எல்லா பொண்ணுங்களும் இந்த காஸ்டியூம் தானே டீ போட்டுப்பாங்க என்று சிரித்தாள் யாழிசை. யாமினி அலங்காரம் எல்லாம் அழகாக பண்ணி இருந்தாலும் முதல் முதலாக ஸ்டேஜை பார்த்து பயந்து விட்டாள் போல நடனத்தில் நிறைய மிஸ்டேக் செய்ய ஆரம்பித்தாள்.

மச்சான் என்னடா கோபமா இருக்க என்ற தோழன் விக்னேஷிடம் இவளை யாருடா டான்ஸ்க்கு ரெகமென்ட் பண்ணினது பாரு ஆடுறேங்கிற பெயரில் எப்படி சொதப்பிட்டு இருக்கிறாள்னு என்று பற்களைக் கடித்தான் விகாஷ்.

மச்சி விடு க்ரூப் டான்ஸ்ல பார்த்துக் கொள்ளலாம் என்று தோழனை சமாதானம் செய்தான் விக்னேஷ். அந்த நேரம் அடுத்த பாடல் இசைக்க ஆரம்பித்தது.

“உன்னைக் காணாது நான் என்றும் நான் இல்லையே ” என்று பாடல் இசைக்க யாழிசை ஆட ஆரம்பித்தாள். அவளது முக பாவமும் நடன நெளிவுகளும் பார்க்கும் அனைவரையும் கை தட்ட வைத்தது.

அவளது நடனத்தை கண்ட வித்யுத் அவளது பாதத்தை தான் பார்த்தான். அவள் வலியோடு ஆடுவதைக் கண்டவனுக்கு தான் இதயம் லேசாக வலித்தது.

அவள் ஆட ஆட விகாஷிற்கு சில வருடங்களுக்கு முன்பு பள்ளியில் ஆடிய பெண் என்று நியாபகம் வர அவளை வைத்த கண் எடுக்காமல் பார்த்துக் கொண்டே இல்லை இல்லை ரசித்துக் கொண்டே இருந்தான்.

அவள் ஆடி முடித்து ஸ்டேஜை விட்டு இறங்கியதும் அவளருகில் வந்த வித்யுத் காலை பாரு என்று கூறிட‌ அப்பொழுது தான் உத்ரா, மிதுனா இருவரும் கூட அவளது காலை பார்த்தனர். யாழி உன் காலில் இரத்தம் டீ என்று வகுப்பு தோழி அம்பிகா கூறிட அம்பிகா ஃபர்ஸ்ட் எய்ட் பாக்ஸ் எடுத்துட்டு வா என்றான் வித்யுத் அபிமன்யு.

சரிங்க சார் என்று கூறி விட்டு அம்பிகாவும் அதை கொண்டு வர உட்காரு இசை என்று அவளை அமர வைத்து அவளது காலில் மருந்து போட்டு கட்டுப் போட்டு விட்டான் வித்யுத் அபிமன்யு.

சார் நானே போட்டுக்கிறேன் சார் நீங்க போயி என் காலை பிடித்து என்று அவள் ஏதோ சொல்ல வர அவளை முறைத்தவன் பேசாமல் இருக்க மாட்டியா இசை என்று கூறவும் அமைதியாகினாள்.

அவனும் அவளுக்கு மருந்து போட்டு விட்டு க்ரூப் டான்ஸ் நீ ஆட வேண்டாம் என்று கூறினான். சார் ப்ளீஸ் என்று அவள் கெஞ்சிட என்ன விளையாடுறியா திரும்பவும் காலில் இரத்தம் வந்தால் என்ன பண்ணுவது என்று அவன் கேட்டிட சார் யாழி தான் சென்டர்ல நிக்கனும் அவள் ஆடலைனா எப்படி என்று மற்ற மாணவிகள் கூறிட அவன் மறுத்தும் யாழிசை பிடிவாதமாக ஆடியே ஆக வேண்டும் என்று அடம் பிடித்திட அவளை திட்டி விட்டு ஆட அனுமதித்தான்.

ஆட்டம் பாட்டு என்று மட்டும் இல்லாமல் அறிவு சார்ந்த போட்டிகளிலும் யாழிசை வென்று இருந்தாள். அவள் கலந்து கொண்ட அனைத்திலும் முதல் பரிசு தான். க்ரூப் டான்ஸ் தவிர.

கூடவே மற்ற மாணவிகளும் இரண்டாம் பரிசு என்று பரிசு இல்லாமல் இல்லை.

விகாஷ் யாமினியை முறைத்து விட்டு சென்றிட அவளுக்கு தான் அவமானமாக இருந்தது.

இசை என்று அவன் அழைத்திட அவனருகில் வந்தாள் யாழிசை. சொல்லுங்க சார் என்று அவள் கேட்டிட இந்தா என்று ஐஸ்கிரீமை அவன் கொடுத்திட எனக்கா என்று அவள் ஆசையாக வாங்கிக் கொண்டு தோழிகளை தேடி வர அவர்களும் ஐஸ்கிரீம் சாப்பிட்டுக் கொண்டு இருந்தனர்.

ஐஸ்கிரீம் ஏதுடீ என்று அவள் கேட்டிட சார் தான் வாங்கிக் கொடுத்தாங்க என்று அம்பிகா கூறிட அப்போ எல்லோருக்கும் வாங்கி கொடுத்ததால் தான் எனக்கும் வாங்கி கொடுத்தாரா என்று நினைத்தவளது மனம் சுனங்கியது.

ஹாய் என்ற குரலில் அவள் திரும்பிட விகாஷ் நின்றிருந்தான். உங்க பெயர் என்ன என்றவனிடம் யாழிசை என்றாள். நான் விகாஷ் என்று அவன் கை நீட்டிட அவளும் கை கொடுத்தாள்.

உங்க டான்ஸ் ரொம்ப சூப்பரா இருந்தது நீங்க அந்த ஸ்கூலில் தானே படிச்சீங்க என்று அவன் கேட்டிட ஆமாம் என்றாள் யாழிசை. நானும் அதே ஸ்கூல் தான் என்று பேச ஆரம்பித்தான். பேச ஆரம்பித்த கொஞ்ச நேரத்திலேயே நண்பர்கள் போல இருவரும் பேச ஆரம்பித்தனர்.

இசை என்று வித்யுத் அழைத்திட பாய் விகாஷ் சார் கூப்பிடுறாங்க கிளம்பனும் என்று கூறிய யாழிசை கிளம்பிட அவன் தான் சோகமாகினான்.

அவள் கிட்ட உங்களுக்கு என்ன பேச்சு சீனியர் என்ற யாமினியிடம் அவன் கோபமாக ஏதோ சொல்ல வர ஏய் யாமி உன் அக்கா டான்ஸ் சூப்பரா ஆடுனாங்கடி என்றாள் யாமினியின் தோழி ஷாலினி.

அக்காவா என்ற விகாஷிடம் ஆமாம் சீனியர் நீங்க பேசிட்டு இருந்தீங்களே அவங்க யாமினியோட அக்கா தான் என்று ஷாலினி கூறிட அப்படியா என்றவன் யாமினியிடம் புன்னகை முகமாகவே பேச ஆரம்பித்தான்.

பேருந்தில் அவன் அருகிலேயே அவள் அமர்ந்து கொள்ள அவன் எதுவும் சொல்லவில்லை. கால் இப்போ பெயினா இருக்கா இசை என்று அவன் கேட்டிட மருந்து போட்டு விட்டது நீங்களாச்சே அப்பறம் எப்படி சார் பெயின் இருக்கும் என்று அவள் அசடு வழிய அவனோ அவளை முறைத்து விட்டு திரும்பினான்.

யாழி என்ற குரலில் அவள் திரும்பிட விகாஷ் அமர்ந்திருந்தான். ஏய் விகாஷ் நீயும் இதே பஸ் தானா என்று அவனுடன் அவள் பேச ஆரம்பித்தாள். அவர்கள் பேசிக் கொண்டே இருக்க இங்கே யாமினிக்கு தான் பொசு பொசுவென்று இருந்தது.

வித்யுத்திற்கே சற்று பொறாமையாக தான் இருந்தது அவள் வேறு ஒருவனுடன் பேசிக் கொண்டு இருந்தது.

…. தொடரும்….

என்ன மூன்று பேரும் இங்கே அரட்டை என்ற ஹெச்ஓடி திவிஷியாவிடம் ஒன்றும் இல்ல மேடம் சும்மாதான் ரோஸ் மில்க் குடிச்சிட்டு இருக்கோம் என்றாள் உத்ரா.

இது தான் ரோஸ் மில்க் குடிக்கிற டைமா காலேஜ் முடிஞ்சிருச்சு இல்ல வீட்டுக்கு போக வேண்டியது தானே அது என்ன பைக் ஸ்டான்ட்ல அரட்டை கிளம்புங்க என்று கூறினாள் திவிஷியா.

ஓகே மேடம் என்று மூவரும் கிளம்ப ஆயத்தமாக திவிஷியா சென்று விட்டாள்.

வாயை மூடிட்டு இருங்கடின்னு சொன்னேன்ல நாம பேசுனது ஏதோ காதுல விழுந்திருச்சு போல அதுதான் விரட்டிவிட்டு இருக்கு என்று யாழிசை கூறிட அவங்க போக சொன்னால் உடனே போகனுமா என்றாள் மிதுனா.

அவங்க போக சொன்னால்  போகணும் பிகாஸ் அவங்க நம்ம ஹச்ஓடி இன்டர்னல் மார்க்கு ஒரு சப்ஜெக்ட் அவங்க கிட்ட தான் நம்ம போய் நிக்கணும் அதை மறந்துடாத கிளம்பு கிளம்பு என்று கூறினாள் யாழிசை.

தோழிகள் மூவரும் அவரவர் வீட்டிற்கு கிளம்பி சென்றனர் .

லிப்டில் ஏறினான் வித்யுத் அபிமன்யு கதவு மூடுவதற்குள் வேகமாக ஓடி வந்தவள் தானும் அந்த லிஃப்ட்டிற்குள் நுழைந்துக்கொண்டாள்.

வழக்கம்போல் கொஞ்சம் கூட வெட்கமே இல்லாமல் பட்டிக்காட்டான் மிட்டாய் கடையை பார்ப்பது போல அவனை ரசித்துக்கொண்டு அவள் நின்றிருக்க  அவனும் ஏக கடுப்புடன் தலையை அழுந்தக் கோதிக் கொண்டு இருந்தான்.

சார் என்று அவள் அழைத்திட அவளை முறைத்தவன் என்ன என்பது போல் பார்க்க நான் கேட்டதுக்கு நீங்க இன்னும் பதிலே சொல்லலையே என்றாள் யாழிசை.

லுக் இசை சப்ஜெக்ட் பற்றி ஏதாவது டவுட் இருந்தால் மட்டும் என்கிட்ட பேசு தேவை இல்லாத விஷயத்தை பத்தி என்கிட்ட பேசாதே என்று கூறினான் வித்யுத் அபிமன்யு கராராக.

இதுவும் சப்ஜெக்ட் தான் சார் லவ் சப்ஜெக்ட் என்று அவளோ வழிந்து கொண்டிருக்க அறைஞ்சேன்னு  வச்சிக்கோ பல்லு முப்பத்து இரண்டும் தெறிச்சு விழுந்திரும். நான் அமைதியா போயிட்டு இருக்கேன் என்பதற்காக நீ ஓவரா அட்வான்டேஜ் எடுத்துக்கிற என்று அவன் கூறிவிட்டு உன் வீடு வரப் போகுது இறங்கி போ என்று கூறினான்.

அவளோ அவனையே ஏக்கமாக பார்த்துக் கொண்டே லிஃப்ட்டின் கதவு திறக்கவும் சென்று விட்டாள்.

இருக்கிற பிரச்சினையில் இவன் வேற என்று நினைத்தவன் அவள் காலை தாங்கி தாங்கி நடப்பதை கண்டு வருந்தத்தான் செய்தான்.

அவனுக்கு அவளை பிடிக்கவில்லை என்று இல்லை ஆனால் இது தேவையில்லாத வேலை ஏற்கனவே தனக்கு இருக்கும் பிரச்சனையில் இவளை வேறு தூக்கி தலையில் வைத்துக் கொள்வதா? என்றுதான் அவளை அவாய்ட் செய்து கொண்டே இருக்கிறான். அவளும் கிட்டத்தட்ட நான்கு வருடங்களாக அவன் பின்னே நாய் குட்டி போல் தான் சுற்றிக் கொண்டிருக்கிறாள். அதை அவன் அறிந்தும் அவளை கண்டுகொள்ளாமல் கடந்து சென்று விடுகிறான் .இவள் தொல்லை பற்றாது என்று திவிஷியா வேறு அவனை இம்சை செய்து கொண்டிருக்கிறாள் .

இவள் தான் தொல்லை கொடுக்கிறால் என்றால் அந்த ஹெச்ஓடி வேற என்று நினைத்தவன் இன்று லேபிள் நடந்த விஷயங்களை யோசித்துக் கொண்டிருந்தான்.

என்ன மேடம் என்ற வித்யுத்திடம் உங்ககிட்ட கொஞ்சம் பேசணும் மிஸ்டர் வித்யுத் அபிமன்யு என்றாள் திவிஷியா.

சொல்லுங்க மேடம் என்றவனிடம் என்ன சொல்ல சொல்றீங்க நான் ஆல்ரெடி கேட்டுட்டேன் திரும்பத் திரும்ப வெக்கத்தை விட்டு ஒரு பொண்ணு உங்ககிட்ட வந்து என்னை கல்யாணம் பண்ணிக்கோங்கன்னு கெஞ்சனுமா என்று திவிஷியா கேட்டிட மேடம் ப்ளீஸ் அதை பத்தி நம்ம பேச வேண்டாமே என்றான் அவன் .

எனக்கு இது செகன்ட் மேரேஜ் என்று யோசிக்கிறீங்களா என்ற திவிஷியாவிடம் ஐயோ மேடம் நான் அப்படியெல்லாம் யோசிக்கலை எனக்கு மேரேஜ் மேல இன்ட்ரெஸ்ட் இல்லை என்றான் வித்யத் அபிமன்யு.

மேரேஜ் மேல இன்ட்ரஸ்ட் இல்லைனா லிவிங் ரிலேஷன்ஷிப்ளையாவது நாம் சேர்ந்து  இருக்கலாமே என்று திவிஷியா கேட்டிட மேடம் ப்ளீஸ் தயவு செஞ்சு இந்த மாதிரி எல்லாம் பேசாதீங்க எனக்கு கல்யாணம் பண்ணிக்கிற ஐடியா கிடையாது அது மட்டும் இல்லை எனக்கு ஆல்ரெடி நிறைய பிராப்ளம் இருக்கு இதுல கல்யாணம் பண்ணி ப்ளீஸ் புரிஞ்சுக்கோங்க என்று அவன் கூறிட ஓகே மிஸ்டர் வித்யுத் அபிமன்யு என்ற திவிஷியா கிளம்பி விட அவனும் கடுப்புடன் அமர்ந்திருக்க வித்யுத் என்ற திவிஷியா நல்லா யோசிச்சு சொல்லுங்க உடனே சொல்ல வேண்டாம். இன்னும் ஒன் மந்த் இந்த காலேஜ்ல தான் ஒர்க் பண்ணுவேன் எனக்கு ட்ரான்ஸ்பர் கிடைக்க ஒன் மந்த் இருக்கு அதுக்குள்ள நீங்க உங்க முடிவு சொல்லுங்க நம்ம ரெண்டு பேருமே வெளியூரில் போய் செட்டில் ஆயிரலாம் என்று கூறிவிட்டு அவள் சென்றுவிட அவனோ ஏகபடுப்புடன் வந்து கொண்டிருந்தான். போதாக்குறைக்கு இந்த யாழிசை வேறு எப்போ என்னோட லவ்வை அக்செப்ட் பண்ணிக்குவிங்க என்று கேட்டு தொல்லை செய்ய அவன் தான் என்ன செய்வான் சின்ன பொண்ணு போக போக புரிஞ்சுக்கவாள் என்று நினைத்தால் அவளோ விக்கிரமாதித்தன் தோளில் தொங்கும் வேதாளம் போல இவன் பின்னே தொங்கிக் கொண்டே சுற்றுகிறாளே அனைத்தையும் நினைத்தவன் தன் அறையின் கதவை அடைத்துக் கொண்டு குளியல் அறைக்குள் நுழைந்து விட்டான்.

ஏய் சனியனே என்ற ரோகிணியிடம் என்ன சித்தி என்றாள் யாழிசை .

சித்தி சித்தின்னு சொல்லாதே டி என்று ரோகினி ஏதோ சொல்ல வர சித்தியை சித்தி தான் கூப்பிட முடியும் பெரியம்மா என்றா சொல்ல முடியும் என்ற யாழிசையை ரோகிணி ஏதோ சொல்ல வர இன்னும் ரெண்டு நாளில் அப்பா வராரு என்று கூறினாள்.

என்னது இன்னும் ரெண்டு நாளில் உங்க அப்பா வராரா என்னடீ  விளையாடுறியா அவர் போய் ரெண்டு மாசம் தானேடி ஆகுது இன்னும் நான்கு மாசம் கழிச்சு தான் வருவாரு என்று ரோகினி பதட்டத்துடன் கூறிட நான் தான் எங்க அப்பாவை வரச்சொன்னேன் என்றாள் யாழிசை.

நீ எப்படி அவரை வரச் சொல்லுவ அது எப்படி கப்பலில் இருந்து அதற்குள்ளே திரும்புவார் என்ற ரோகினி பதட்டமாக இருக்க அப்பா வராருன்னு சொன்ன உடனே இப்படி பயப்படுற நீ எனக்கு சூடு வச்சுதை எங்க அப்பா கிட்ட சொல்லட்டுமா என்று யாழிசை கேட்டிட அவளது காதை பிடித்து திருகினார் ரோகினி .

என்னடி கொழுப்பா சாவடிச்சிடுவேன் என்று ரோகிணி கூறிட அவளோ சிரித்துவிட்டு சும்மா சொன்னேன் சித்தி அப்பா இன்னும் மூன்று மாசம் கழிச்சு தான் வருவாரு பயப்படாதே என்று சிரித்தாள் யாழிசை.

ஏண்டி உனக்கு என்ன கொழுப்பா  உங்க அப்பா வராருன்னு சொல்லி என்னை போட்டு பார்க்குறியா என்று அவளது காதை திருகிக் கொண்டிருந்தார் ரோகினி . சித்தி விடு எனக்கு வலிக்குது என்று யாழிசை கத்திக் கொண்டிருக்க வலிக்கட்டும் டீ  நல்ல வலிக்கட்டும் என்று கூறிய ரோகினியோ நேத்து உன் காலில் தான் சூடு வச்சேன் இரு இன்னைக்கு உன் வாயில சூடு வைக்கிறேன் என்று கூறிக் கொண்டிருக்க அந்த நேரம் பார்த்து வீட்டின் அழைப்பு மணி ஒலித்தது.

யார் இந்த நேரத்துக்கு வந்தது என்று கோபமாக கேட்ட ரோகிணி அவளது காதை விட்டு அவளை பிடித்து கீழே தள்ளிவிட்டார் அவள் அணிந்திருந்த கண்ணாடி வளையல்கள் தரையில் மோதி உடைந்து அவளது கையில் குத்தி கையை பதம் பார்த்துக் கொண்டிருக்க ரோகிணி சென்று கதவை திறந்தார்.

கதவை திறந்த ரோகிணியும் அதிர்ச்சியில் உறைந்து நின்றார் காரணம் எதிரே அவரது கணவன் ரகுராமன் நின்றிருந்தார்.

தன் கணவனை பார்த்து விதித்துப் போனார் ரோகினி. என்ன இந்த ஆளு இன்னும் நான்கு மாசம் கழிச்சு தானே வருவாரு இப்பவே வந்துட்டாரு அய்யய்யோ இந்த நேரம் பார்த்தா இவளோட காலில் நான் சூடு வச்சு விடனும் நேத்து தானே காலில் சூடு வச்சு விட்டேன் போச்சு செத்தேனே என்று நினைத்த ரோகினி எதார்த்தமாக திரும்பிட கீழே யாழிசை விழுந்து வளையல்கள் குத்தியதில் அவள் கையில் முழுக்க ரத்தம் வந்து கொண்டிருக்க மகளின் கையில் ரத்தத்தை கண்ட ரகுராமனோ துடித்துப் போனார்.

இசை என்று அவர் அழைத்திட சந்தோஷமாக திரும்பினாள் யாழிசை. தனது தந்தையை கண்டவள் அப்பா என்று ஓடிப்போய் அவரை கட்டிக் கொள்ள அவரது வெள்ளை நிற யூனிபார்மில் அவளது ரத்தம் பட்டுவிட்டது.

உன் கைக்கு என்னாச்சு என்று ரகுராமன் கேட்டிட ஒன்னும் இல்லப்பா கீழே விழுந்துட்டேன் அதுதான் கண்ணாடி வளையல் போட்டிருந்தேனா அது உடஞ்சு குத்திருச்சு என்று அவள் கூறிட என்னமா நீ பார்த்து வருவது இல்லையா இப்படியா  கீழே விழுவ என்றவர் மகளது காலில் கட்டிப் போட்டு இருப்பதை பார்த்துவிட்டு என்னாச்சும்மா உன் காலுக்கு என்று துடித்து போனார்.

ஒன்னும் இல்லைப்பா காலேஜ்ல ப்ரஸ்ஸர்ஸ் பார்ட்டிக்கு வெடி வெடிச்சாங்க அந்த கங்கு பட்டுருச்சு என்று அவள் கூறிட அப்பொழுதுதான் ரோகிணிக்கு மூச்சே வந்தது .

என்னடா இசை நீ  உன் காலில் இவ்ளோ பெரிய கட்டு போட்டு இருக்க லேசான அடின்னு சொல்லிட்டு இருக்க என்று ரகுராமன் துடித்து போய்விட அப்பா எனக்கு  ஒன்றுமே இல்லைப்பா நீங்கள் ஏன் இப்படி துடிக்கிறீங்க என்று தன் தந்தையை சமாதானப்படுத்தினாள் இசை .

டாடி என்று யாமினி ஓடி வர அவளை அனைத்தவர் எப்படிமா இருக்க என்று கேட்டிட நல்லா இருக்கேன் டாடி என்று யாமினி கூறிக்கொண்டே எனக்கு என்ன டாடி வாங்கிட்டு வந்தீங்க என்று தான் கேட்டாள் .

உனக்கு என்ன எல்லாம் வேணுமோ எல்லாமே டாடி வாங்கி தரேன் என்ற ரகுராமன் இசை அப்பா உனக்காக ஒரு ஸ்பெஷல் கிப்ட் கொண்டு வந்து இருக்கேன் என்று கூறினார். என்னப்பா என்ற யாழிசையிடம்  கண்ணை மூடு என்று கூறிட அவளோ கண்களை மூடினாள் .

அவள் கையில் முத்துக்களால் செய்த வளையல் ஒன்றை அணிவித்தார் ரகுராமன் .

அது என்ன உங்க மூத்த பெண்ணுக்கு மட்டும் ஸ்பெஷலா வளையல் என்று ரோகிணி முகத்தை திருப்பிக் கொள்ள நான் என்ன வாங்கி கொடுத்தாலும் நீயும் சரி யாமினியும் சரி அதில் ஏதாவது குறை சொல்லுவீங்க ஆனால் என் பொண்ணு இசை நான் என்ன கொடுத்தாலும் அதை அப்படியே ஏத்துக்குவா அது மட்டும் இல்லை அவளுக்கு முத்து பதித்த வளையல் தான் ரொம்ப பிடிக்கும் அதனால தான் அவளுக்காக அது வாங்கிட்டு வந்தேன் என்று கூறிய ரகுராமன் யாமினி உனக்காகவும் அப்பா வாங்கிட்டு வந்து இருக்கேன் என்று அவளுக்கு ஒரு முத்து பதித்த வளையலை கொடுத்தார் இதை நீங்க யாழிசே கிட்டையே  கொடுத்துடுங்க எனக்கு இந்த முத்து போட்ட வளையல் எல்லாம் பிடிக்காது எனக்கு வேணும்னா டைமண்ட் ல வளையல் வாங்கி கொடுங்க என்று யாமினி கூறிட பாத்தியா யாமினிக்கு இது பிடிக்காது அதனால தான் நான் இதை இசைக்கு வாங்கிட்டு வந்தேன் என்று கூறிய ரகுராமன் கண்டிப்பா உனக்கு டைமண்ட் ல ரிங் வாங்கி தரேன் டா என்று மகளுக்கு கூறிவிட்டு இன்னொரு வளையலையும் மூத்த மகளின் கையில் அணிவித்துவிட்டார் ரகுராமன் .

இனிமேல் கண்ணாடி வளையலை போடாத அம்மு என்று அவர் கூறிட எனக்கு அதுதான் அப்பா ரொம்ப பிடிக்கும் என்றாள் யாழிசை.

தொடரும்…

என்ன பண்ணிக்கிட்டு இருக்க என்ற வித்யுத்திடம் ப்ரோக்ராம் போட்டு பார்த்துட்டு இருக்கேன் சார் என்றாள் யாழிசை.  நான் பார்க்கும் போது ப்ரோக்ராம் போட்டு பார்த்துட்டு இருக்கிறது போல நடிக்க வேண்டியது நான் அந்த பக்கம் போனால் கம்ப்யூட்டரில் வீடியோ பார்த்துவிட்டு இருக்க வேண்டியது என்று பற்களைக் கடித்தான் வித்யுத்.

ஐய்யயோ வசமா சிக்கிட்டேன் போலையே என்று நினைத்தவள் சார் அப்படி எல்லாம் ஒன்றும் இல்லை என்று ஏதோ சொல்ல வர அவளை முறைத்தவன் அவள் மினிமைஸ் பண்ணி வைத்த ஸ்கீரினை ஓபன் செய்து என்ன இது என்றான்.

ஸாரி சார் என்று அவள் தலையை கவிழ்ந்து கொள்ள அவனோ தலையை வலது இடமாக ஆட்டி விட்டு சென்று விட்டான். அவளோ செல்லும் அவனையே பார்த்துக் கொண்டு இருந்தாள். அவளது தலையில் கொட்டு வைத்த உத்ரா ப்ரோக்ராம் போட்டு பாரு டீ என்று சொல்ல அந்த நேரம் பெல் அடித்து விட அனைவரும் ஆய்வகத்தை விட்டு வெளியே சென்று விட்டனர்.

என்ன யாழிசை இன்னும் கிளம்பாமல் லேப்ல என்ன பண்ணிட்டு இருக்க என்றாள் திவிஷியா.  நோட்ஸ் கேட்டுட்டு இருந்தேன் மேடம் என்ற யாழிசை ஏக்கமாக தன்னவனை பார்த்து விட்டு அந்த ஆய்வகத்தை விட்டு வெளியே சென்றாள்.

நல்லா சிவ பூஜையில் கரடி மாதிரி இந்த பொம்பளை இப்போ லேப்க்கு வரவில்லை என்று யாரு அழுதாங்க இன்னும் ஏழெட்டு மாதம் தான் அப்பறம் காலேஜ் முடிந்து விடும். அவரை எப்படி தினமும் சைட் அடிக்கிறது. எத்தனை தடவை லவ் சொன்னாலும் அந்த மர மண்டைக்கு புரியவே மாட்டேங்குது என்று நொந்து கொண்டாள் யாழிசை.

என்ன மச்சி ஹெச்ஓடி வந்து உன் ரொமான்ஸ் டைமை கெடுத்து விட்டுருச்சு போல என்ற உத்ரா விடம் ஆமாம் டீ என்று அங்கு இருந்த மரத்தில் குத்தினாள் யாழிசை.

அடியே லூசு ஏற்கனவே உன் சித்தி வைத்த சூட்டில் காலு பஞ்சராகி கிடக்கிறது போதாதா இப்போ மரத்தில் குத்தி கையும் பஞ்சராகனுமா என்று மிதுனா கூறி விட்டு அவளது கையை ஆராய்ந்தாள்.

நிலவின் கறைகளை 

அறியாத உன் கண்களில்

என் காதலின் பிழைகள் 

மட்டும் தெரிவதேன்…

மனம் முழுவதும் நீயே

வியாபித்து இருக்கும் 

பொழுதினில் என் 

சிந்தனை உன்னை

மட்டும் தானே சுற்றும் 

அதை உணர நீ மறுப்பது

ஏனோ….

என் நினைவுகளில் 

நிறைந்த மன்னனே

சொப்பனத்திலும் உன்

பிரம்பை எடுத்து என்னை

மிரட்டுவதேனடா….

என்று எழுதி இருந்த பேப்பரைப் பார்த்து அவனுக்கு கோபம் தான் வந்தது. “கொஞ்சம் கூட பொறுப்பே கிடையாது இடியட் இது என்ன எக்ஸாம் பேப்பரா இல்லை லவ் லெட்டரா” என்று பற்களைக் கடித்தான் அவன். வித்யுத் அபிமன்யு.

“கடைசி பேஜ்ல மட்டும் தான் கவிதை எழுதினேன் மத்த பேஜ் எல்லாம் கரைக்டான ஆன்ஸர் தான் எழுதி இருக்கிறேன் சார்” என்று அவள் கூறிட அவளை முறைத்தவன் ,‌ “லுக் யாழிசை இது தான் உனக்கு லாஸ்ட் வார்னிங். இன்னொரு முறை மாடல் எக்ஸாம் பேப்பர்ல இந்த மாதிரி கவிதை எழுதுகிறேன் என்று கிறுக்கி வச்ச ஹெச்ஓடி கிட்ட கம்ப்ளைன்ட் பண்ணிடுவேன் ஜாக்கிரதை” என்று விரல் நீட்டி எச்சரித்தான்.

அவளோ அவனை புன்னகை முகத்துடன் பார்த்தவள், “நீங்க தயவு செய்து அதை பண்ணுங்க சார்  அப்போவாச்சும் என்னை காலேஜ்ல இருந்து டீசி கொடுத்து விரட்டி விடட்டும்” என்றாள் யாழிசை.

“என்ன” என்றவனிடம் , “நீங்க தானே சொன்னீங்க நான் உங்களோட ஸ்டூடண்ட் அதனால் என்னை லவ் பண்ண மாட்டீங்கன்னு டீசி வாங்கிட்டு காலேஜ் விட்டு வெளியே போயிட்டேன் என்றால் நாம லவ் பண்ணலாமே எந்த ரெஸ்ட்ரிக்சனும் இல்லையே” என்றாள் யாழிசை.

“அறிவு கெட்ட முண்டம் பொம்பளைப் பிள்ளை திட்டக் கூடாது என்று நானும் வாயை மூடிட்டு இருந்தால் நீ ஓவரா பண்ணிட்டு இருக்க. ஒழுங்கு மரியாதையா ஓடிப் போய் விடு” என்று பற்களைக் கடித்தான் வித்யுத் அபிமன்யு.

“ஓகே ஓகே கூல் சார் நான் கிளம்புறேன்” என்று கூறிவிட்டு, “அப்பறம் சார் கவிதை எப்படி இருக்குனு ஃபீட்பேக் சொல்லவே இல்லை” என்றாள் யாழிசை.

அவனுக்கு வந்த கோபத்துக்கு அவளை அடி பின்னி எடுத்து இருப்பான் ஆனாலும் பற்களைக் கடித்து கொண்டு, “நீ எழுதின கன்றாவிக்கு பெயர் கவிதையா. கவிதைனா முதலில் என்னன்னு தெரியுமா உனக்கு. வந்துட்டாங்க பெரிய கவிதாயினி ச்சீ பே” என்று அவன் கூறிட, “ஐய்யய்யோ வாத்தி கடுப்பாகிருச்சு ஓடிரு  யாழி” என்று மனசாட்சி கூறிட அவளும் ஓடியே விட்டாள்.

“என்ன மச்சி உன் ஆளு என்ன சொன்னாரு” என்றாள் அவளது தோழி மிதுனா. “அது ஒன்றும் இல்லை மச்சி நீ எழுதுற கவிதை எல்லாம் சூப்பரா இருக்கு யாழி எப்படி இவ்வளவு அழகா கவிதை எழுதுற. உன் கவிதையை படித்த உடனே உன் கன்னத்தில்” என்று அவள் சொல்லிக் கொண்டு இருக்கும்போதே “பளார்னு அறை கொடுக்கனும் என்று சொன்னாரா மச்சி” என்று வந்தாள் இன்னொரு தோழி உத்ரா.

“எதுக்கு டீ என்னை அறையப் போறாரு பச் பச்சுன்னு இச்சு கொடுப்பாரு” என்று யாழிசை கூறிட,  “நான் தான் பார்த்தேனே அவர் கொடுத்த இச்சை. கூச்சமே இல்லை இப்படி உருட்டுறியேடி நீ உருட்டிட்டு இருக்கிறது தெரியாமலே ஆ ஆன்னு வாயை பிளந்து கதை கேட்டுக் கொண்டு இருக்கிறாள் பாரு இந்த கேனைச் சிறுக்கி” என்று உத்ரா கூறிட, “உனக்கு பொறுக்காதே அவளாவது என் காதலை புரிந்து கொள்ளட்டுமே” என்றாள் யாழிசை.

“முண்டம் உன் ஆளுக்கு புரிய வை இப்போ தான் இவளுக்கு புரிய வச்சு இவளை எதுவும் கல்யாணம் பண்ணிக்க போறியா” என்றாள் உத்ரா.

“என்ன மிது நாம கல்யாணம் பண்ணிக்கலாமா” என்ற யாழிசையிடம், “என் மாமா பையன் அப்போ யாரைக் கட்டிப்பான் உன் ஆளையா” என்று கூறிவிட்டு மிதுனா சிரித்திட , “அடியேய் என் ஆளைப் பார்த்து வானவில் என்றா சொல்லுற உன்னை” என்று தோழியை அடிக்க விரட்டினாள் யாழிசை.

அவள் கையில் சிக்காமல் அவள் ஓடி விட துரத்தி வந்த யாழிசை யார் மீதோ மோதி பொத்தென்று மண்ணில் விழுந்தாள்.

“ஆ அம்மா” என்று அவள் எழ முடியாமல் எழப் பார்க்க, அவள் முன் கையை நீட்டினான். அப்பொழுது தான் அவள் நிமிர்ந்து பார்த்திட அவளது நாயகன் தான் கை நீட்டிக் கொண்டு இருந்தான்.

“அடப்பாவி மனுசா நீ தானா ஆளைப் பார்த்தால் ஒல்லியாக இருக்கிறார் ஒரே ஒரு இடி இடிச்சதுக்கே நான் பொத்துன்னு விழுந்துட்டேன்” என்று நினைத்தவள் அவனது கையை பிடித்து எழுந்தாள்.

“தேங்க்ஸ் சார்” என்று அவள் கூறிட அவளை முறைத்தவன் , “நீ என்ன சின்ன பாப்பாவா ஃபைனல் இயர் படிக்கிற பொண்ணு கொஞ்சம் கூட பொறுப்பே இல்லாமல் விளையாடிட்டு இருக்க” என்றிட அவள் மௌனமாக நின்றிருந்தாள்.

“உன் கிட்ட பேசுவதும், எருமை மாடு மேல மழை பெய்யுறதும் ஒன்று தான். போ போயித் தொலை” என்று திட்டி விட்டு அவன் சென்று விட அவளருகில் வந்தனர் மிதுனா, உத்ரா இருவரும்.

“என்ன மச்சி ரொம்ப திட்டிட்டாரா இவ்வளவு சீரியஸா உட்கார்ந்து யோசிச்சுட்டு இருக்க” என்ற உத்ரா விடம், “மச்சி நான் நல்லா ஜப்பியா கொஞ்சம் குண்டாக தானே இருக்கிறேன்” என்றாள் யாழிசை. 

“ஆமாம் நம்ம மூன்று பேரில் நீ கொஞ்சம் குண்டு தான் இப்போ என்னடீ அதுக்கு” என்றாள் உத்ரா.

“இல்லை டீ என் ஆளு ஒன்றும் குண்டு இல்லையே ஒல்லியாக தானே இருக்கிறார் ஆனால் அவர் இடிச்ச இடியில் நான் பொத்துன்னு விழுந்துட்டேன். என் இடுப்பு வேற வலிக்குது நான் மோதி அவர் விழுந்து இருந்தால் கூட ஒரு லாஜிக் இருக்கும். நான் எப்படி விழுந்தேன்” என்றாள் யாழிசை.

“அடி அரை போதை நாயே இதெல்லாம் ஒரு ஆராய்ச்சியாடீ” என்ற உத்ரா விடம், “ஆமாம் மச்சி என்னோட ஆன்மீக ஆராய்ச்சி பதில் தெரியவில்லை என்றால் பைத்தியம் பிடித்து விடும்” என்று அவள் கூறிட அவளது தலையில் நங்கு நங்கென்று கொட்டினாள் உத்ரா.

“உன் மூளையை தூக்கி முட்டுச் சந்துக்குள்ள எறிய ஏன் டீ இப்போ பதில் தெரிஞ்சு ஐஏஎஸ் பாஸ் பண்ண போறியா” என்று உத்ரா கேட்டிட, “பதில் சொல்லுடி பன்றிக் குட்டி வந்துட்டால் என் மூளையை தூக்கி முட்டுச் சந்துக்குள்ள போடுறதுக்கு” என்றாள் யாழிசை.

“யாழி எனக்கென்னவோ உன் ஆளு ஜிம் எல்லாம் போவாரு போல தோன்றுகிறது” என்றாள் மிதுனா. “நிஜமாவா அப்போ நாளைக்கே அந்த ஜிம்மை கண்டுபிடிச்சு நானும் ஜாயின் பண்ணி விடுகிறேன்” என்றாள் யாழிசை.

“அதற்கு உன் சித்தி விடனுமே” என்ற உத்ரா விடம் , “அப்பா கிட்ட பர்மிஷன் வாங்கிட்டேன்னா சித்தியால எதுவும் பண்ண முடியாதே” என்று சிரித்தவள் , “சரி, சரி வாங்க க்ளாஸ் ரூம் போகலாம்” என்று தோழிகளுடன் வகுப்பறைக்கு சென்று விட்டாள் யாழிசை.

“என்ன வித்யுத் ஏதோ யோசனையா இருக்க” என்று வந்தான் அவனது தோழன் பிரித்வி. “உன் கிட்ட சொல்ல என்னடா அந்த பொண்ணு யாழிசை தொல்லை தாங்க முடியவில்லை” என்றான் வித்யுத்.

“என்ன பிரச்சினை” என்று பிரித்வி கேட்டிட , “மாடல் எக்ஸாம் பேப்பர்ல கூட லவ் லெட்டர் மாதிரி கிறுக்கி வச்சுருக்காள்” என்று பற்களைக் கடித்தான் வித்யுத் அபிமன்யு.

“அந்த பொண்ணும் இரண்டரை வருசமா தான் உன் பின்னால் சுத்தி பார்க்குது ஏன் டா நீ தான் அவளோட லவ்வை அக்செப்ட் பண்ணிக்கோயேன்” என்றான் பிரித்வி.

“பைத்தியமாடா நீ அவள் என்னோட ஸ்டூடண்ட் அவளைப் போய் நான் லவ் பண்ணனுமா என்று அவன் கேட்டிட நீ ஆல்ரெடி அந்த பொண்ணை லவ் பண்ண ஆரம்பித்து விட்டியோன்னு எனக்கு டவுட்டா இருக்கு” என்றான் பிரித்வி.

அவனை வித்யுத் முறைத்திட , “பின்னே என்ன டா அவளை நிஜமாவே பிடிக்க வில்லை என்றால் நீ என்ன பண்ணி இருக்கனும் ஹெச்ஓடி, பிரின்சிபால் இப்படி யார்கிட்டேயாவது கம்ப்ளைன்ட் பண்ணி இருக்கனும் இல்லையா அவள் பேரன்ட்ஸ் கிட்டேயாச்சும் சொல்லி கண்டிச்சு வைக்க சொல்லி இருக்கனும்” என்றான் பிரித்வி.

“அந்த மாதிரி எதுனாலும் பண்ணினால் அவளோட படிப்பு ஸ்பாயில் ஆகிரும் அதனால் தான் நான் அமைதியாக போகிறேன்” என்றான் வித்யுத். “புரியுது வித்யுத் அட்லீஸ்ட் அந்த பொண்ணுகிட்டையாவது கொஞ்சம் ஹார்ஸா சொல்லி விடு அது தான் எல்லோருக்கும் நல்லது.

இப்போ உள்ள பொண்ணுங்களை நம்பவே முடியாது ரீசண்டா ஒரு மூவி பார்த்தேன் அதில் இப்படித் தான் ஒரு பொண்ணு ப்ரொபசரை லவ் பண்ணிட்டு இருப்பாள். அவன் முடியாது என்று சொல்லவும் தன்னை ரேப் பண்ண பார்த்தான்னு பொய் சொல்லி அவனோட கெரியரையே காலி பண்ணிருவாள் அதனால் கொஞ்சம் உஷாராகவே இரு” என்றான் பிரித்வி.

“யாழிசை அப்படி பட்ட பொண்ணு கிடையாதுடா” என்று வித்யுத் கூறிட, “அப்படி இல்லை என்றால் சந்தோஷம் எச்சரிக்கையா இருக்கிறது நல்லது தானே” என்றான் பிரித்வி. சரி என்று தோழனிடம் விடை பெற்று வகுப்பிற்கு சென்றான் வித்யுத்.

அவன் வகுப்பு என்றால் அனைவரும் அமைதியாக பாடத்தில் மட்டுமே கவனமாக இருப்பார்கள் ஒருத்தியை தவிர. ஆம் நம் நாயகி தான் ஏதோ பட்டிக்காட்டான் மிட்டாய் கடையை பார்ப்பது போல அவனையே வைத்த கண் எடுக்காமல் பார்த்துக் கொண்டு இருப்பாள். 

அவன் அவளை ஒரு பார்வை பார்த்துவிட்டு திருந்தாத ஜென்மம் என்று திட்டி விட்டு பாடம் எடுக்க ஆரம்பித்தான். வகுப்பு முடியும் வரை அமையாக இருந்த மிதுனா, உத்ரா இருவரும் அவள் தலையில் நங்கென்று கொட்டிட , “ஆஆ எருமைங்களா எதுக்கு டீ கொட்டுனிங்க “என்றாள் யாழிசை.

“பின்னே என்ன அதான் க்ளாஸ் விட்டு போயிட்டாருல இன்னும் ஏன் ஆ ஆனு பார்த்துக் கொண்டு இருக்க” என்ற தோழிகளை முறைத்தாள் யாழிசை. “கிளாஸ் ரூம்ல உள்ள எல்லோரும் வீட்டிற்கு போயாச்சு நீ மட்டும் தான் உன் ஆளோட ஹேன்ட்ரைட்டிங்கை உட்கார்ந்து ரசிச்சுட்டு இருக்க” என்று தோழிகள் திட்டிட, “வீட்டுக்கு போகவே கடுப்பா இருக்கு டீ” என்றாள் யாழிசை.

“அப்போ உன் ஆளு கூட மெரினா பீச் போறியா” என்று உத்ரா கேட்டிட, “நோ பெசன்ட் நகர் பீச் போறேன் டீ கொஞ்சம் ஹெல்ப் பண்ணுடீ” என்றாள் யாழிசை. “அடி செருப்பால உன்னை” என்று

அவளை விரட்டி அவளோ ஓடிச் சென்று பைக்கை எடுத்துக் கொண்டு சிட்டாக பறந்து விட்டாள் தன் வீட்டிற்கு.